Foydalanish shartlari

1. Xizmat haqida

"Kitob orqali" — bu kitobingni sun'iy intellekt (AI) yordamida kichik, 5–10 daqiqalik darslarga bo'lib, har bir bo'limdan qisqa tushuntirish, test va xatolar ustida ishlash imkonini beruvchi shaxsiy ta'lim platformasi.

Platformadan foydalanib, sen ushbu qoidalarga to'liq rozilik bildirasan. Agar shartlarga rozi bo'lmasang, xizmatdan foydalanmasliging mumkin.

2. Kirish va ro'yxatdan o'tish

Platformaga kirish faqat rasmiy Telegram bot yoki Telegram vidjeti orqali amalga oshiriladi.

Bizda alohida parol o'ylab topish yoki saqlash talab qilinmaydi. Shaxsiy hisobing xavfsizligi Telegram'dagi tasdiqlash kodi orqali ta'minlanadi.

3. Kitoblar va mualliflik huquqi

Sen platformaga yuklagan kitobing (PDF, EPUB, DOCX yoki TXT formatida) default holatda faqat sening shaxsiy ta'liming va o'qishing uchun ishlatiladi. Uni boshqa foydalanuvchilar ko'rmaydi, biz kitoblarni sotmaymiz va tarqatmaymiz.

Kitobga bo'lgan mualliflik huquqi uning muallifi va noshirida qoladi. Aynan shu faylni boshqa odam ham yuklasa, AI qayta ishlamasligi uchun tayyor darslar unga ham ochiladi, lekin sening progressing va ma'lumotlaring hech kimga ko'rinmaydi.

Faqat o'zingda qonuniy bor kitobni yukla. Uchinchi shaxslarning huquqini buzadigan yoki qonunga zid material uchun javobgarlik yuklagan odamda.

3.1. Kitobni hammaga ochish

Kitobni yuklagan odam xohlasa uni Umumiy kutubxonaga chiqarishi mumkin. Shunda boshqalar kitobni o'z ro'yxatiga qo'shib, undan dars o'qiy oladi. Bu faqat yuklagan odamning o'z tanlovi bilan bo'ladi: sayt kitobni o'zi ochmaydi.

Hammaga ochayotganda sen bu kitobni tarqatishga haqqing borligini tasdiqlaysan: kitob o'zingniki, muallif ruxsat bergan yoki u erkin tarqatiladigan (masalan, mualliflik muddati tugagan) asar. Ochilgan kitob uchun to'liq javobgarlik uni ochgan odamda. "Kitob orqali" foydalanuvchilar yuklagan kitoblar mazmuni va huquqi uchun javob bermaydi, faqat ularni o'qish uchun texnik joy beradi.

Ochiq kitob huquqingni buzayotgan bo'lsa yoki noo'rin bo'lsa, kutubxonadagi "Shikoyat" tugmasini bos yoki Telegram'da @Diyor0722 ga yoz. Bunday kitob ko'rib chiqilib, kutubxonadan olib tashlanadi. Qoidani qayta-qayta buzgan hisob bloklanishi mumkin.

4. Sun'iy intellekt (AI) ishlatilishi

Darslar, qisqa konspektlar, tushuntirishlar va test savollarini yaratish uchun kitob bo'limi matni sun'iy intellekt provayderlari — Claude (Anthropic) va Gemini (Google) xavfsiz API'lariga yuboriladi.

Bu AI modellar matnni faqat sen so'ragan dars va savollarni tuzish uchun qayta ishlaydi. Shaxsiy ma'lumotlaring (Telegram profiling, isming) AI ga yuborilmaydi.

5. AI krediti va qo'llab-quvvatlash

AI xarajati uchun kunlik tekin kredit beriladi, uning miqdori o'qish faolligingga bog'liq. Qoidalar va narxlar AI krediti sahifasida.

Loyihani qo'llab-quvvatlash (donat yoki Homiy oyi) ixtiyoriy. Rahmat sifatida qo'shimcha kredit beriladi. To'lov tekshirilgach kredit qo'shiladi; to'lov topilmasa so'rov rad etiladi. Saytda bank karta ma'lumotlari saqlanmaydi, to'lov saytdan tashqarida qilinadi.

Suiiste'mol (botlar, ko'p hisob ochish, yuklash chegarasini aylanib o'tish) bo'lsa hisob bloklanishi mumkin.

6. Hisobni o'chirish

O'zing yuklagan har qanday kitobni istalgan payt o'chirib tashlashing mumkin. Agar hisobingni, profilingni va barcha o'qish tarixingni butunlay o'chirishni istasang, admin bilan Telegram (@Diyor0722) orqali bog'lansang, barcha ma'lumotlaring bazadan butunlay o'chirib beriladi.

7. Shartlarning yangilanishi

Xizmat rivojlanishi bilan ushbu shartlar yangilanishi mumkin. Har qanday o'zgarish shu sahifada sana ko'rsatilgan holda e'lon qilinadi.